...

Əsas kapitala investisiyaların real artım tempi müsbət zonaya daxil olub - Nazir

İqtisadiyyat Materials 16 İyul 2022 10:31 (UTC +04:00)
Əsas kapitala investisiyaların real artım tempi müsbət zonaya daxil olub - Nazir

Bakı. Trend:

Cari ilin birinci yarısında əsas kapitala investisiyaların real artım tempi müsbət zonaya daxil olub.

Trend xəbər verir ki, bunu iqtisadiyyat naziri Mikayıl Cabbarov iyulun 15-də Prezident İlham Əliyevin sədrliyi ilə bu ilin altı ayının yekunlarına həsr olunmuş müşavirədə bildirib.

"İnvestisiyalara gəldikdə, ölkə iqtisadiyyatında yüksək iqtisadi artım templəri, habelə dövlət büdcəsinin investisiya xərclərinin icrasının sürətlənməsi, o cümlədən işğaldan azad olunmuş ərazilərdə genişmiqyaslı tikinti-bərpa işlərinin həyata keçirilməsi fonunda cari ilin birinci yarısında əvvəlki aylarla müqayisədə əsas kapitala investisiyaların real artım tempi müsbət zonaya daxil olub. Qeyd olunan amillərin təsiri ilə qeyri-neft-qaz sektorunda əsas kapitala investisiyaların real artımı 18,5 faiz təşkil edib. Bu amillərin təsiri ilə cari ilin 6 ayında ötən ilin eyni dövrü ilə müqayisədə tikinti sektorunda əlavə dəyər 8 faizədək artıb", - nazir qeyd edib.

Məqalədə:
Xəbər lenti

Xəbər lenti