Bakı. Trend:
Azərbaycanda kiçik və orta sahibkarlığın (KOS) inkişafı sahəsində qabaqcıl təcrübə var. O, bu təcrübələri digər ölkələrlə də bölüşə bilər.
Trend-in məlumatına görə, bunu Kiçik və Orta Müəssisələrin Beynəlxalq Şəbəkəsinin (INSME) prezidenti Serxio Arseni "KOB-ların səlahiyyətlərinin artırılması, iqtisadiyyatın şaxələndirilməsi və yaşıl inkişaf" mövzusunda INSME-nin 18-ci illik toplantısının açılışında deyib.
Arseni qeyd edib ki, Kiçik və Orta Müəssisələrin Beynəlxalq Şəbəkəsi Azərbaycanın iqtisadiyyatın şaxələndirilməsi üzrə səylərini dəstəkləyir.
"Bu baxımdan, Azərbaycan KOB-ların İnkişafı Agentliyi Kiçik və Orta Müəssisələrin Beynəlxalq Şəbəkəsinin mühüm üzvüdür", - deyə o vurğulayıb.
Arseni onu da bildirib ki, hər bir şirkətin rəqabət qabiliyyəti əməkdaşların təhsilinin keyfiyyətindən asılıdır, ona görə də işçilərin peşəkarlığının artırılması və onların yenidən hazırlanması INSME üçün çox vacibdir.