Bakı. Trend:
Polşanın "Startap Hub Poland" Fondu (SHP) Azərbaycan Kiçik və Orta Biznesin İnkişafı Agentliyi (KOBİA) ilə anlaşma memorandumu imzalayıb.
Trend-in məlumatına görə, imzalanma mərasimi bu gün, KOB sahəsində innovasiyalara dair Polşa-Azərbaycan seminarı çərçivəsində baş tutub. İmzalama mərasimində KOBİA İdarə Heyətinin sədri Orxan Məmmədov və SHP-nin icraçı direktoru Massey Sadovski iştirak edib.
Bu sənəd innovasiyaların dəstəklənməsi sahəsində Polşa-Azərbaycan əməkdaşlığının inkişafına töhfə verəcək.
Tədbirdə Polşanın Azərbaycandakı səfiri, “İdealHub” innovasiya və texnologiya mərkəzinin təsisçisi Rafal Poborski, eləcə də Azərbaycandakı biznes icmalarının rəhbərləri iştirak ediblər.