Bakı. Trend:
"PAŞA Kapital" 2017-ci ildən fəaliyyət göstərən və “AGA Şirkətlər Qrupu”nun ayrılmaz hissəsi olan "Ferrum Kapital"ın 1 milyon AZN həcmində istiqrazlarının ilkin yerləşdirilməsini elan edir. Ümumi sayı 1.000 ədəd olan istiqrazlar, 26 dekabr 2024-cü il tarixində Bakı Fond Birjası (BFB) tərəfindən Listinq Komitəsinin qərarı ilə standart bazar seqmentinə daxil edilmişdir.
İstiqrazların əsas xüsusiyyətləri:
- Nominal dəyər: 1.000 AZN;
- Gəlirlilik faizi: İllik 12.5%;
- Faiz ödənişi: Rüblük;
- Tədavül müddəti: 24 ay;
- Növ: Sənədsiz, adlı, faizli, təmin edilməmiş;
- Yerləşdirilmə üsulu: rəqabətli hərrac.
"Gələcəyə dəmir bünövrə" şüarı ilə təqdim edilən bu istiqrazlar, potensial investorlara stabil yüksək faizli gəlir qazandıraraq gələcək maliyyə planları üçün sağlam özül yaradır. Tədavül müddətinin 24 ay olması, həmçinin orta və uzunmüddətli investisiya fürsəti axtaran bazar iştirakçıları üçün geniş fürsətlər təqdim edir.
İstiqrazları əldə etmək istəyən həm fiziki, həm də hüquqi şəxslər, emissiyanın anderrayteri qismində iştirak edən "PAŞA Kapital" İnvestisiya Şirkətinə müraciət edərək, 31 yanvar 2025-ci il tarixində keçiriləcək rəqabətli hərracda iştiraklarını təmin etmələri mümkündür.
"PAŞA Kapital" İnvestisiya Şirkətinin məhsul və xidmətləri haqqında daha ətraflı məlumat üçün 1548 nömrəsi ilə əlaqə saxlaya və ya https://www.pashacapital.az/ saytına daxil ola bilərsiniz.
