Bakı. Trend:
“Yaşıl Enerji Dəhlizi Enerji Şirkəti” (“Green Energy Corridor Energy Company”/GECO) və “Xlinks” şirkətləri arasında Anlaşma Memorandumu imzalanıb.
Trend xəbər verir ki, bu barədə Azərbaycanın enegetika naziri Pərviz Şahbazov öz rəsmi “X” səhifəsində yazıb.
“Böyük Britaniya və Şimali İrlandiya Birləşmiş Krallığının ölkəmizdəki fövqəladə və səlahiyyətli səfiri Ferqus Auld ilə enerjiəməkdaşlığımızın inkişafına dair səmərəli görüş keçirdik.
Görüş zamanı birgə iştirakımızla “Yaşıl Enerji Dəhlizi Enerji Şirkəti” (GECO) ilə “Xlinks” şirkəti arasında sualtı kabel layihələri və əlaqədar infrastruktur sahəsində əməkdaşlıq imkanlarının araşdırılması, məlumat mübadiləsi, texniki qiymətləndirmələrin aparılmasını nəzərdə tutan AnlaşmaMemorandumu imzalandı”,- deyə yazıda qeyd olunur.