Bakı. Trend:
Ötən ilin yanvar-oktyabr aylarında Azərbaycana xaricdən (Çin) 1 ədəd yanğınsöndürən nəqliyyat vasitəsi gətirilib.
Trend bu barədə Dövlət Statistika Komitəsindən məlumat əldə edib.
Məlumata görə, bu sayda yanğınsöndürən nəqliyyat vasitəsinin idxalının dəyəri 52,1 min ABŞ dolları olub.
2024-cü ildə isə Azərbaycana iki ölkədən – Çin və Avstriyadan hərəsindən bir ədəd olmaqla ümumilikdə 876,1 min ABŞ dolları dəyərində 2 ədəd yanğınsöndürən nəqliyyat vasitələri idxal edilmişdi. Beləliklə, illik müqayisədə sözügedən nəqliyyat vasitələrinin sayı 1 ədəd, idxal dəyəri isə 824 min BŞ dolları və ya 16,8 dəfə azalıb.
Eyni zamanda hesabat dövründə Azərbaycandan iki ölkəyə - Qırğızıstan və Çinə hərəsinə 10 ədəd olmaqla ümumilikdə 671 min ABŞ dolları dəyərində 20 ədəd yanğınsöndürən nəqliyyat vasitələri ixrac edilib. 2024-cü ilin eyni dövründə ölkədən sözügedən nəqliyyat vasitələrinin ixracı qeydə alınmayıb.
Qeyd edək ki, 2025-ci ilin yanvar-oktyabr aylarında ölkəyə 86 909 ədəd minik avtomobili, 6 588 ədəd yük avtomobili, 702 ədəd avtobus idxal olunub.