Azərbaycan, Bakı / Trend , müxbir U.İsmayılova/ Çərşənbə günü Azərbaycan İqtisadi İnkişaf Nazirliyinin ölkəyə gələn xarici vətəndaşlar üçün 500 min viza blankının hazırlanması ilə bağlı keçirdiyi tender üzrə beş şirkət öz təkliflərini təqdim edib. Bu barədə Nazirlikdən məlumat verilib.
Şirkətin təklifləri aşağıdakılardır:
- Litva "Carsu Pasarlius"u: blankların hazırlanma dəyəri - 310 min avro, blankların hazırlanma müddəti - 2008-ci il 1 fevral;
- Britaniya "Optaglio"su: blankların hazırlanma məbləği - 199 min avro, sifarişin həyata keçirilmə müddəti - 60 gün;
- Polşa "Qiymətli kağızlar fabriki": blankların hazırlanma qiyməti - 345 min avro, sifarişin yerinə yetirilmə müddəti - 110 gün;
- Estoniya "Vaba Maa"sı: blankların hazırlanma məbləği - 425 min avro, müqavilənin imzalanma müddətindən sonra 30 gün ərzində,
- Ukrayna "Poliqrafiya kombinatı": - blankların hazırlanma dəyəri - 450 min dollar, sifarişin hazırlanma müddəti - 16-17 həftə.
Nazirlikdən bildirilib ki, tenderin qalibi gələn həftə elan oluna bilər.
Tenderin şərtlərinə görə, viza blankları mühafizə elementlərini saxlamalı və dünya standartlarına müvafiq kağızdan hazırlanmalıdır.