Azərbaycan, Bakı/ Trend , müxbir İ.Xəlilova/ Azərbaycan prezidenti 2008-ci il dövlət büdcəsi layihəsini Milli Məclisə göndərib. Büdcə proqnozları Milli Məclisin İqtisadi siyasət komissiyasında müzakirə olunacaq. Bu barədə məlumatı çərşənbə günü Parlamentdən veriblər.
Sənəd parlamentə dəyişiklik edilmədən daxil olub. Belə görünür ki, Prezident administrasiyası və ölkə hökuməti büdcə proqnozlarında düzəlişə ehtiyac görməyib.
Dövlət büdcəsi layihəsinə əsasən, 2007-ci il proqnozlarına nisbətdə 27,9 faiz artan gəlirlər 7,383 mlrd. manat (ÜDM-in 28,2 faizi), xərclər 8,509 mlrd. manat (34,7 faiz artımla) təşkil edib. Bununla belə, mərkəzləşdirilmiş gəlirlər 7,133 mlrd. manat, yerli gəlirlər 0,249 mlrd.manat, mərkəzləşdirilmiş xərclər 7,605 mlrd. manat və yerli xərclər 0,904 mlrd. manat səviyyəsində müəyyən olunub. Dövlət büdcəsinin gəlir hissəsinə Vergilər Nazirliyi vasitəsilə 5 mlrd. manat (17,9 faiz artım yaxud 760 mln. manat artımla) , Dövlət Gömrük Komitəsi vasitəsilə 1,1 mlrd. manat (42,9 faiz yaxud 330 mln. manat) yığılması gözlənilir.
Dövlət Neft Fondunun transferləri 1,1 mlrd. manat təşkil edir, 279 mln. manat isə, digər mənbələrin payına düşür.
Büdcə xərclərində ümumi həcmin 4,737 mlrd. manatı yaxud 53,7 faizi cari xərclər, 3,688 mlrd. manatı (43,3 faiz) əsas xərclər üçün nəzərdə tutulub. Kreditlərin qaytarılması və faizlərin ödənilməsinə 84 mln. manat (1 faiz) ayrılıb.
Sosial yönümlü xərclərin xüsusi çəkisi 2007-ci illə müqayisədə 26,5 faiz artmaqla (584 mln. manat) , 2786,6 mln. manat həcmində (ümumi xərclərin 32,7 faizi) proqnozlaşdırılır.
Dövlət büdcəsinin maksimum kəsiri 1,126 mlrd. manat həcmində müəyyənləşdirilib ki, bu da ÜDM-in 4,3 faizini təşkil edir. Büdcə kəsirinin ödənilməsi üçün üç mənbə nəzərdə tutulub - 31 dekabr 2007-ci il üçün xəzinə qalıqları,özəlləşdirmə və dövlət istiqrazlarının satışından gələn gəlirlər.
Dövlət Neft Fondunun gəlirləri nəzərə alınmadan, ümumi büdcə kəsiri 3,304 mlrd. manat təşkil edəcək. Ümumi büdcə xərclərinin yuxarı limiti 10,182 mlrd. manat təşkil edir.