Azərbaycan, Bakı/ Trend , müxbir İ.Xəlilova/ Bazar ertəsi İmişlidə, DB-nın 21.1 mln. dollar dəyərində olan "Azərbaycan Kənd İnvestisiyaları" (AzRİP) layihəsi çərçivəsində, icmaların ikinci milli investisiya konfrasnı keçirilib. AzRİP-in reallaşdırıldığı üç il ərzində layihənin ümumi dəyərindən 8 mln. dollar xərclənib. İmişlinin İcra Hakimiyyətinin rəhbəri Əbülfəz Ağayev, bu layihənin dövlətin regional inkişaf strategiyası çərçivəsində həyata keçiriləcəyini və sosial istiqamətə malik olduğunu bildirib. İcmaların maliyyələşdirilməsi hesabına, içməli su, elektrik enerjisi ilə təminatın yaxşılaşdırılması, tibb məntəqələrinin, məktəblərin tikintisi layihələri reallaşdırılır. Onun rəyinə görə, gələcəkdə layihəyə daha gəlirli sahə olan ət, pambıq, süd emalı üzrə sexlərin yaradılmasını daxil etmək məqsədəuyğun olardı və bu, regionların inkişafında əhəmiyyətli rol oynayacaq. Kənd Təsərrüfatı nazirliyi nəzdinə Kənd Təsərrüfatı kreditləri üzrə Dövlət Agentliyinin direktoru Razim Vəliyevin sözlərinə görə, AzRİP çərçivəsində, 164 infrastruktur layihəsinin reallaşdırılmasına başlanılıb və hazırda içməli su, elektrik enerjisi ilə təminatla bağlı 79 layihə üzrə hazırlıq gedir. Ümumilikdə AzRİP 400- 450 layihəni əhatə edəcək. Dünya Bankından layihənin rəhbəri Mark Vudvord bir əvvəl aşkar edilən problemlərin bu gün tam həll edildiyini bildirib və layihənin reallaşdırılmasının gedişini yüksək qiymətləndirib. Problemlərin arasında o, nəqd pulla təminat üzrə problemi qeyd edib. Bununla bağlı, xüsusi hesabların limiti artırılıb və bu layihələri vaxtında reallaşdırmağa imkan yaradıb. Bundan əlavə, layihələrin reallaşdırma keyfiyyəti artıb. Uğurlu reallaşdırma layihənin əhatə etdiyi bölgələrin sayını artırmağa imkan yaradıb. Layihənin Azərbaycan tərəfdən rəhbəri Sübhan Əsgərovun sözlərinə görə, birinci komponentin (infrastruktur layihələri) 14 mln. dollar olan ümumi dəyərindən 6.5 mln. dollar istifadə edilib. İkinci komponent (icmaların imkanlarının genişləndirilməsi) üzrə 5.5 mln. dollar vəsaitin 70 faizi xərclənib. Layihənin idarə olunması üçün 1.3 mln. dollar ayrılıb. Əsgərov hesab edir ki, qalan bütün vəsait il ərzində sərf ediləcək.
...
