...

BMK Azərbayca İpoteka Fondunun kommersiyalaşdırılmasına yardım edəcək

Biznes və iqtisadiyyat xəbərləri Materials 11 Dekabr 2007 17:41 (UTC +04:00)

Azərbaycan, Bakı/ Trend , müxbir İ.Xəlilova/ Beynəlxalq Maliyyə Korporasiyası (BMK) növbəti həftəyədək Azərbaycan Milli Bankının nəzdində fəaliyyət göstərən Azərbaycan İpoteka Fondu ilə əməkdaşlıq niyyəti haqqında memorandum imzalamağı planlaşdırır. Bu barədə çərşənbə axşamı BMK-nın Azərbaycandakı nümayəndəsi Aliyə Əzimova məlumat verib. Memorandumun əsas istiqaməti fondun fəaliyyətinin kommersiyalarşdırılmasına, onun gələcəkdə alternativ maliyyələşdirmənin cəlb edilməsilə səhmdar cəmiyyətinə çevrilməsinə və gələcək kommersiya biznes-planının implementasiyasına yönəlib. Memorandum əsasında məsləhətçilərin cəlb edilməsi, donorların fondlaşdırılması üçün təkliflərin hazırlanması nəzərdə tutulub. Bu mərhələdə korporasiya layihənin detalları, ipoteka fondunun səhmdar cəmiyyətinə çevrilməsinin müddətinin müzakirə edildiyi daha geniş müqavilə imzalamağı planlaşdırır. "BMK ipoteka fondunu özəlləşdirmə planlarının mövcud olduğu təqdirdə maliyyələşdirəcək. AİŞ-nin özəlləşdirmədən əvvəl maliyyələşdirməsinin mümkünlüyünə baxılacaq, lakin biz, alternativ maliyyə mənbələrinin cəlb edilməsində yardım edəcəyik"- Əzimova bildirib. 2005-ci ilin martından -- AİŞ-in fəaliyyətə başladığı vaxtdan, ipoteka kreditlərinin maliyyələşdirilməsi yalnız dövlət vəsaitləri hesabına aparılıb. Bu məqsədlər üçün 46 mln. manat ayrılıb. 2008-ci ildə dövlət büdcəsindən sosial ipoteka üçün 35 mln. manat ayrılması planlaşdırılır. Hökumətdə, sosial ipotekanın kommersiya şərtləri əsasında verilən ipotekadan ayrılması ilə əlaqədar olaraq, ipoteka kreditləşdirilməsinin təkmilləşdirilməsi üzrə Milli Bankın təkliflər paketinin müzakirəsi artıq başlayıb. Təkliflər paketi ipoteka kağızlarının buraxılması yolu ilə xarici bazarlardan kapitalın, kredit ehtiyatlarının və sosial ipoteka üçün dövlət büdcəsindən vəsaitlərin cəlb edilməsini nəzərdə tutur.

Xəbər lenti

Xəbər lenti