Azərbaycan, Bak / Trend , müxbir A.Bədəlova / Çərşənbə günü Azərbaycanın Standartlaşdırma, Metrologiya və Patent üzrə Dövlət Agentliyinin rəhbəri Ramiz Həsənovun verdiyi məlumata görə, 2007-ci ildə Agentlik yeyinti sənayesi sahəsində bir sıra müəssisləri istehsalatdan çıxarıb. Həsənov bu müəssisələrin dəqiq sayını açıqlamayıb.
"Bu müəssisələr cəzalandırılıb və insan orqanizmi üçün təhlükə yaradan məhsulların istehsalı dayandırılıb" - deyə Həsənov qeyd edib.
Son dövrlərdə Azərbaycanda aktual olan çörəyin çəkisinin azalması probleminə gəlincə isə, Həsənov bildirib ki, çörəyin çəkisinin azaldılması alıcı ilə müvafiq razılığın mövcud olduğu halda mümkündür. Əks halda, müəyyən tədbirlər görülür.
Bununla yanaşı, Həsənov əlavə edib ki, sanksiyaların istehsal olunan malların həcmindən asılı olaraq təyin edilməsini nəzərdə tutan təkliflərin bu il qəbul olunacağı gözlənilir.