Azərbaycan, Bakı/ Trend , müxbir İ.Xəlilova/ Azərbaycanın Bank Tədris Mərkəzi Azərbaycanda biznes-liderlik məktəbi açılması üçün tərəfdaşların axtarışına başlayıb. Bu barədə Mərkəzin rəhbəri Cavanşir Abdullayev məlumat verib. Onun sözlərinə görə, müxtəlif maliyyə təşkilatları ilə danışıqlar aparılır. Abdullayevin sözlərinə görə, məktəbin yaradılması ölkədə bank filialları şəbəkəsinin genişlənməsi ilə yaranan menecer çatışmazlığı problemini aradan qaldırmağa kömək edəcək. ABTM-in strategiyasına görə, məktəb 2010-cu ildə açılacaq. Bu vaxtadək Mərkəz sertifikatlaşdırılan uzunmüddətli proqramların sayını artırmağı planlaşdırır. Mərkəzin rəhbəri hesab edir ki, ilin əvvəlindən bu istiqamətdə də çatışmazlıq olduğu üçün, daha bir sertifikatlaşdırılmış "kredit mütəxəssisi" proqramı başlanacaq. Bu, mərkəz tərəfindən praktikada istifadə edilən sayca üçüncü proqram olacaq. Onların arasında ən məşhurları "ümumi bank işi" və "sertifikatlaşdırılmış praktiki mühasib" (SİP) proqramlarıdır. ABTM "baza bank işi"-nin tətbiqi üçün Avropa sertifikatının alınması məqsədilə akkreditasiya keçir. "Biz Avropa Bank Şəbəkəsinin üzvüyük və bu təşkilat ilin əvvəlindən bizi akkreditə etməyə öhdəlik götürüb. Proqramın başlanılması bütün Avropada tanınan sertifikat almağa imkan verən akkreditasiya vaxtından asılıdır"-Abdullayev bildirib.
...
