Azərbaycan, Bakı, 20 fevral/ " müxbir Ü.İsmayılova/Azərbaycanın sığorta şirkəti Era-Trans öz filiallarının restrukruizasiya və təkmilləşdirilməsinə başlayır. Bu barədə çərşənbə günü Şirkətin idarə heyətinin sədri Rüfət Musayev məlumat verib.
"Son il ərzində şirkətin fillialları yaxşı maliyyə göstəricilərinə nail olublar və bununla əlaqədar olaraq, onların işini fəallaşdırmaq niyyətindəyik", - Musayev bildirib.
Era-Trans-ın Gəncə, Şəki, Şəmkir və Sumqayıtda filialları var.Şirkət yaxın vaxtlarda Bakıda daha iki filial açmaq niyyətindədir.
Musayev Gəncə filialının sonuncu il ərzində 270 min manat, Şəmkir filialının 20 min manat sığorta haqqı topladığını və bunun ölkənin regionları üçün nəzərə çarpacaq məbləğ olduğunu bildirib. Ən aşağı göstərici isə Şəmki filialındadır - təqribən 6 min manat.
Onun sözlərinə görə, şirkət filialların fəaliyyətini təkmilləşdirmək niyyətindədir. Buna səbəb onların öz maliyyə göstəriciləri üzrə gözlənilən nəticələri ötüb.
Musayev hesab edir ki, filialların effektli işləməsinin səbəblərindən biri əməkdaşların peşəkarlığıdır.
"Şirkətimizin bütün bazarın əziyyət çəkdiyi sığorta mütəxəssisləri peşəkarlığın çatışmazlığından kənarda qalmasa da, biz bu problemi şirkət daxilində qismən həll edirik", - Musayev bildirib.
Təsisçisinin iki fiziki şəxs olduğu Era-Trans 1994-cü ildən Azərbaycanda fəaliyyət göstərir. Şirkətin Nizamnamə kapitalı 800 min manat təşkil edir. Şirkət 24 növ könüllü və 4 növ məcbur sığorta növü üzrə xidmətlər göstərir.
Məqalə müəllifinin ünvanı: [email protected]
