Azərbaycan, Bakı, 02 may/ " müxbir İ.Xəlilova/ Mayın 1-nə olan vəziyyətə görə, Azərbaycan Milli Bankının sərəncamında olan rəsmi valyuta ehtiyatları $4 306,6 mln. təşkil edib. Bu barədə cümə günü AMB-dən məlumat veriblər. Ötən ilin əvvəli ilə müqayisədə artım 7,26 faiz ($291,4 mln.) təşkil edib. 2006-cı ilin yekunarına görə valyuta ehtiyatları $1,967 mlrd., 2007-ci ilin yekunlarına görə isə $4 015,3 mln. təşkil edib.
Valyuta ehtiyatlarının artması Milli Bankın ölkədəki makroiqtisadi sabitliyin dəstəklənməsinə yönəlmiş məzənnə siyasəti çərçivəsində baş verir. Milli Bank, milli valyutanın həddindən artıq möhkəmlənməsinin qarşısını almaq üçün, ötən il olduğu kimi, valyuta bazarında fəal iştiraka davam edir. Valyuta müdaxiləsi artıq dollar kütləsinin alqısı məqsədilə aparılıb ki, bu da, öz növbəsində, valyuta ehtiyatlarını artırmağa imkan verib.
Milli Bankın məlumatına görə, ölkənin AMB-nin ehtiyatları, Dövlət Neft Fondu və hökumətin depozitləri hesabına formalaşdırılan strateji valyuta ehtiyatları $10 mlrd.
təşkil edib.
Dünya Bankı 2010-cu ilədək AMB-nin sərəncamında olan rəsmi valyuta ehtiyatlarının $11,322 mlrd.-dək artacağını proqnozlaşdırır. Proqnozlara görə, 2008-ci ildə valyuta ehtiyatları $9,210 mlrd., 2009-cu ildə isə $11,146 mlrd.-a çatdırılacaq. Buna baxmayaraq, ötən ilin yekunlarına görə, valyuta ehtiyatlarının real göstəricisi DB-nin gözləmələrini $1 mlrd. ($3,051 mlrd.) ötüb.
DB xəzinədarlığı AMB-nin vəsaitlərinin idarə edilməsi üzrə menecerlərdən biridir. DB xəzinədarlığı departamentinin idarəsinə $100 mln. verilib. Hazırda əcnəbi menecerlərin idarəsində ümumilikdə $250 mln. vəsait var.
Mayın 2-ə olan rəsmi məzənnə - 0,829 AZN/USD.
Müəlliflə əlaqə saxlamaq üçün elektron ünvan: [email protected]
