Azərbaycan, Bakı, 04 iyun/ Trend , müxbir M.Quliyev/ Yüksək səviyyədə keçirilən Azərbaycan-Türkiyə danışıqlarında Naxçıvan Muxtar Respublikasının Bakı-Tbilisi-Qars dəmir yolu layihəsinə qoşulmasına dair qərar qəbul edilib. Azərbaycan prezidenti İlham Əliyev çərşənbə günü Naxçıvanda brifinqdə bildirib ki, tərəflər müzakirələrdə Naxçıvanın Bakı-Tbilisi-Qars layihəsinə qoşulmasına dair razılığa gəliblər.
Əliyev, Türkiyənin Baş naziri Rəcəb Tayyib Ərdoğanla bu gün keçirilən danışıqların yekunlarına dair bildirib ki, bu fikrin reallaşdırılması üçün hər iki tərəfin iradəsi var. Dövlət başçısı bu fikrin texniki-iqtisadi əsaslandırılmasının hazırlanmasına dair qərar qəbul edildiyini bildirib.
"Bakı-Tbilisi-Qars" layihəsi çərçivəsində, yeni 105 kilometrlik dəmir yolu magistralı qolunun tikintisi planlaşdırılır. Onun 76 kilometri Türkiyə, 29 kilometri Gürcüstan ərazisindən keçəcək. Bundan əlavə, Gürcüstanda, buraxma gücünü ildə 15 ton yükə çatdırmaq üçün 183 kilometrlik Axalkalaki-Marabda-Tbilisi dəmir yolu sahəsi yenidən qurulacaq.
