Azərbaycan, Bakı, 11 iyun/ Trend Cap , müxbir İ.Xəlilova/ İyunun 13-də Bakıda Azərbaycan hökuməti və Fransanın BNP Paribas bankı arasında 164 km uzunluğunda Yevlax-Zaqatala-Gürcüstan sərhəd yolunun ikixətlidən dördxətliyə genişləndirilməsi layihəsi üzrə kredit sazişi imzalanacaq. Bu barədə çərşənbə günü Nəqliyyat Nazirliyindən məlumat veriblər. Bank layihənin reallaşdırılmasına $320 mln. ayırır.
Azərbaycandan nəqliyyat naziri Ziya Məmmədov sazişin imzalanması üçün səlahiyyət alıb.
Kredit Yaponiya Beynəlxalq Əməkdaşlıq Bankı (JBİC) və Yaponiyanın Nexy sığorta agentliyinin zəmanəti altında verilir. Bank ilkin olaraq $400 mln. təklif edib ki, bunun $80 mln. kommersiya şərtləri ilə olub. Azərbaycan hökuməti kreditin kommersiya hissəsindən imtina edib.
Bu, BNP Paribas ilə yol layihəsi üzrə birinci kredit sazişi olacaq. Azərbaycan Muğanlıdan Yevlaxadək 156 km uzunluğunda avtomobil yolunun (Bakı-Şamaxı-Yevlax magistralının bir hissəsi) yenidən qurulmasını nəzərdə tutan bir layihədən imtina edib. Bank bu layihəyə, də 4 il güzəştli dövr olmaqla, 14 il müddətinə və libor+0,45 faiz illik dərəcə ilə $320 mln. təklif edib.
İyunun 11-nə olan rəsmi məzənnə 0,8185 AZN/USD.
Müəlliflə əlaqə saxlamaq üçün elektron ünvan: cap
