Azərbaycan, Bakı, 12 iyun/ Trend Cap , müxbir İ.Xəlilova/ Azərbaycan hökuməti Avropa komissiyası ilə Avropa Qonşuluq Siyasəti (ENP) çərçivəsində, 2007-ci il üçün indikativ proqram üzrə maliyyə memorandumunun imzalanmasını gözləyir. Bu barədə Avropa İttifaqının texniki yardım proqramı (Tacis) üzrə koordinasiya bürosunun icraçı direktoru Rüfət Məmmədov məlumat verib.
Büdcənin dəstəklənməsi aləti üzrə enerji sektoru seçilib. Büdcənin maliyyələşdirilməsi vasitəsilə energetika sektorunda qanunverici və inzibati islahatların aparılması nəzərdə tutulur. Ümumilikdə 2007-ci ildə Azərbaycan üçün ENP-nin büdcəsi 19 mln. avro səviyyəsində müəyyən edilib. Onların üç istiqamətdə istifadəsi təklif edilib - dövlət büdcəsinin sektoral dəstəklənməsi üzrə alət, tvininq-proqram və texniki yardım. Tvininq proqram üzrə təqribən beş layihəyə 5 mln. avronun ayrılması nəzərdə tutulub. Qalan 14 mln. avro isə (bu vəsaitlərin 10 faizi büdcənin dəstəklənməsi alətinə texniki yardım üçün nəzərdə tutulur) ,digər iki komponent üçün nəzərdə tutulub.
Vəsaitlər üç tranşla dövlət büdcəsinə köçürüləcək. Memorandum imzalandıqdan sonra 3 mln. avro həcmində birinci tranş köçürüləcək. Lakin, növbəti iki tranş Azərbaycanın Aİ-nin müəyyən etdiyi şərtləri yerinə yetirməsi ilə müşayiət olunacaq. Məmmədovun sözlərinə görə, onlar artıq Azərbaycan tərəfinə təqdim olunub. Aİ Azərbaycana hüquqi və institusional islahatlar keçirməyi təklif edir. Alternativ və bərpa olunan elektrik enerjisi mənbələrinin tənzimlənməsi üzrə Agentliyin yaradılması da buraya daxildir.
Hazırda ENP proqramı çərçivəsində Standartlaşdırma, Metrologiya və Patent üzrə Agentlik, İstehlak bazarına nəzarət üzrə Dövlət Xidməti üçün tvininq-layihələr üzrə texniki tapşırığın hazırlanması gedir. Hər struktura ilkin olaraq 1 mln. avro texniki yardım göstəriləcək.
Avropa komissiyası maliyyələşdirməni Tacis və MEDA-nın iki proqramı çərçivəsində həyata keçirmək niyyətindədir. 2007-2010 -cu illərdə Azərbaycan üçün ENP büdcəsi 92 mln. avro həcmində nəzərdə tutulub.
Müəlliflə əlaqə saxlamaq üçün elektron ünvan: cap
