Azərbaycan, Bakı, 19 iyun / Trend , müxbir U.İsmayılova/ Cari ilin yanvar-may aylarında Azərbaycanda 428,7 min kvadrat metr daşınmaz əmlak istifadəyə verilib ki, bu da 2007-ci ilin analoji dövr göstəricisindən 144,3 faiz çoxdur. Bu barədə Azərbaycan Dövlət Statistika Komitəsindən məlumat verilib.
İstifadəyə verilən sahələrin ümumi həcmindən 1620 min kvadrat metrini məktəblər, 77 min kvadrat metrini xəstəxanalar, 9 min kvadrat metrini ambulator poliklinikalar, 430 min kvadrat metrini isə məktəbəqədər müəssisələr təşkil edib.
Yanvar-may ərzində tikinti sektorundan gələn ölkə kapitalının 2695,9 mln. manatı sərmayələrə yönəldilib ki, bunun da, 2154,4 mln. manatı istehsal obyektlərinin tikintisinə yatırılıb.
Ümumilikdə yanvar-may ayları ərzində tikinti-montaj işlərinə 1551,2 mln. manat yatırılıb ki, bu da 2007-ci ilin analoji dövr göstəricisi ilə müqayisədə 135,5 faiz çoxdur.
Məqalə müəllifi ilə əlaqə ünvanı :[email protected]
