Azərbaycan, Bakı, 01 avqust/ Trend / Avqustun 1-nə olan vəziyyətə görə, Azərbaycan Milli Bankının sərəncamında olan valyuta ehtiyatları $5,2 mlrd. təşkil edib ki, bu da həmin göstəricinin ilin əvvəlinə nisbətən $1,2 mlrd. (30,1 faiz) artdığından xəbər verir. Bu barədə Azərbaycan Milli Bankının məlumatında deyilir.
Valyuta ehityatlarının artması Milli Bankın ölkədə makroiqtisadi sabitliyin dəstəklənməsinə yönəlmiş məzənnə siyasəti çərçivəsində baş verir. Milli Bank milli valyutanın həddən artıq möhkəmlənməsinin qarşısını almaq üçün, ötən il olduğu kimi, valyuta bazarında fəal iştirak edir. Valyuta müdaxiləsi artıq dollar kütləsinin alınması məqsədilə aparılıb ki, bu da öz növbəsində valyuta ehtiyatlarını artırmağa imkan verib.
Dünya Bankı 2010-cu ilədək AMB-nin sərəncamında olan ehtiyatların $11,322 mlrd.-dək artacağını proqnozlaşdırır. Proqnozlara görə, 2008 - ci ildə valyuta ehiyatları $9,210 mlrd., 2009 - cu ildə isə, $11,146 mlrd.-dək çatdırılacaq. Buna baxmayaraq, ötən ilin yekunlarına əsasən, valyuta ehtiyatlarının real göstəricisi DB-nin gözlədiyindən $1 mlrd. çox olub ($3,051 mlrd.)
DB Xəzinədarlığı AMB-nin valyuta ehtiyatlarının idarə edilməsi üzrə menecerlərdən biridir. Xəzinədarlıq departamentinə idarə edilmək üçün $100 mln. verilib. Hazırda xarici menecerlərin idarəsində ümumilikdə $250 mln. vəsait var.
Müəlliflə əlaqə saxlamaq üçün elektron ünvan - [email protected]