Azərbaycan, Bakı, 20 avqust/ Trend , müxbir İ.Xəlilova/ Azerdemiryolbank 2009 - cu ilin ortalarına şəxsi ipoteka portfelini ən azı $12 mln.-dək çatdırmağı planlaşdırır, bankın İdarə Heyətinin sədri Roman Əmircanov bildirib. İndiyədək bank Azərbaycan İpoteka Fondunun xətii ilə ayrılmış 2 mln. manatdan çox məbləğdə ipoteka kreditləri verib.
Hazırda şəxsi ipoteka proqramı hazırlanıb. Onun realizəsi Beynəlxalq Maliyyə Korporasiyasının kreditinin mənimsənilməsi ilə başlayacaq. Korporasiya banka mənzil maliyyələşdirilməsi üçün nəzərdə tutulmuş $5 mln. məbləğdə kredit ayırıb. Azerdemiryolbank gələn ilin ortalarından ipoteka üçün daha $5 mln. cəlb etməyi planlaşdırır.
"İpoteka portfelinin artırılması dünya bazarlarındakı vəziyyətdən də asılı olacaq. Belə ki, əcnəbi sərmayədarlar öz maliyyə ehtiyatlarının yerəşdirilməsinə ehtiyatla yanaşırlar", - Əmircanov bildirib.
BMK ipoteka proqramının dəstəklənməsi üçün yeddi il müddətinə kredit ehtiyatları ayırıb.
Bu uzunmüddətli ipoteka maliyyələşdirməsinin təmini, məsləhət xidmətlərinin göstərilməsini özündə birləşdirən BMK-ın ipoteka proqramı - Housing Finance çərçivəsində ikinci transaksiya olub. 2008 - ci ilin martında UniBank-a yeddi il müddətinə $15 mln. məbləğdə ilk kredit verilib.
Hazırda Azərbaycanın ipoteka bazarı $150 mln. təşkil edib. Ötən il AİF xətti üzrə kreditlərin verilməsi dayandırıldıqdan sonra, əksər banklar mənzil alqısının şəxsi və ya xaricdən cəlb edilmiş vəsaitlər hesabına maliyyələşdirməyə başlayıblar.
Avqusutn 20-nə olan rəsmi məzənnə -- 0,8138 AZN/USD.
Müəlliflə əlaqə saxlamaq üçün elektron ünvan: [email protected]