Azərbaycan, Bakı, 02 sentyabr/ Trend , müxbir E.İsmayılov/Gürcü-osetin münaqişəsi AZAL SC-nin maliyyə vəziyyətinə təsir göstərməyib, - çərşənbə axşamı SC-nin rəhbəri Cahangir Əsgərov deyib.
" Bizim Gürcüstana yalnız beş-altı gün uçuşumuz olmayıb. Problemlər həll edildikdən sonra biz uçuşları bərpa etdik, lakin bu, gəlirlərə təsir göstərməyib", - o qeyd edib.
Gürcüstandakı vəziyyət təhlükəsiz olmadığından, Tbilisiyə uçuşları yerinə yetirmək qeyri-mümkün idi. Bütün məsələlər həll edildikdən sonra, bu istiqamətdə uçuşlar bərpa edilib.
"Bu, şirkətin gəlirlərinə təsir etməyib; gürcü bazarı ümumi bazarın üç faizini təşkil edir", - Əsgərov qeyd edib.
Gürcü-osetin münaqişəsi avqustun 8-də başlayıb. Münaqişə başlanandan sonra Bakıdan Tbilisiyə reyslər təxirə salınıb. Gürcüstan istiqamətində uçuşlar avqustun 17-də bərpa edilib.