Azərbaycan, Bakı, 08 sentyabr / Trend , müxbir S.Babayeva/ "Azərbaycanın Kənd Təsərrüfatı Nazirliyi aqrar istehsalda istifadə etdilən yanacaq və gübrələrin dəyərinin 50 faizinin ödənilməsi üçün fermerlərə növbəti subsdiyaların verilməsi məqsədilə sənədləri Maliyyə Nazirliyinə göndərib", - ölkənin kənd təsərrüfatı naziri İsmət Abbasov bildirib.
Bir müddət əvvəl 58 rayonun ərizələrinə baxılıb və vəsaitlərin verilməsi haqqında qərar qəbul edilib. Nazir bildirib ki, ayrılan subsidiyaların məbləği 54 mln. manatı ötür.
Vəsaitlər hökumətin kənd təsərrüfatı subsidiyaları üzrə agenti "Kapital Bank" vasitəsilə ayrılacaq.
"Yaxın vaxtlarda bu vəsaitlər ödəniləcək və fermerlər onları plastik kartlar vasitəsilə ala biləcəklər", - Abbasov bildirib.