Azərbaycan, Bakı, 17 sentyabr/ Trend , müxbir N.İsmayılova/ Dünya mikromaliyyələşdirmə bazarının əhatəsi $250 mlrd. - a çatır, - DWM şirkətinin icraçı direktoru Cim Kaddaras çərşənbə günü Bakıda keçirilən Azərbaycan Mikromaliyyələşdirmə Konfransında bildirib. Onun sözlərinə görə, son illərdə bu sahədə dövlət maliyyələşdirməsinin həcmi azalır və buna müvafiq olaraq, özəl sektordan bu sahəyə gələn vəsaitlər artıb.
"Mikromaliyyələşdirmə təşkilatlarının cəlb etdikləri vəsaitlərin mənbələri və xarici kapital bazalarına çıxışları fərqlənir, - Kaddaras bildirib. - Bu gün dünya kapital bazarlarına çıxışı olmayan mikrotəşkilatlar var".
FINCA International`s Capital Markets Group - un nümayəndəsi Andrey Kravçenko hesab edir ki, mikrokreditlərə olan tələbatın ödənilməsi üçün beynəlxalq maliyyə təşkilatları ilə əlaqələr yaratmaq çox vacibdir. Onun sözlərinə görə, FİNCA kredit təşkilatı 2008 - ci ilin əvvəlindən, tələbat $120 mln. olduğu halda, $90 mln. mikrokredit verib. Bu gün FİNCA - nın aktivləri $367 mln. təşkil edir.
Azərbaycanın Mikromaliyyələşdirmə Assosiasiyasının (AMFA) icraçı direktoru Jalə Hacıyevanın bildirdiyinə görə, ölkədə fəaliyyət göstərən mikromaliyyə təşkilatlarının əsas problemi xarici kapitala (daha ucuz və uzunmüddətli əsasda) çıxışın məhdud olmasıdır.
Bu gün mirkomaliyyələşdirmə təşkilatları cəlb olunan vəsaitlər əsasında fəaliyyət göstərir. Kreditlərin cəlb edilməsi ilə bağlı problemlər, əsasən, belə təcrübəsi olmayan yeni təşkilatlarda yaranır. "Bu heç də maliyə sektorunda dünya böhranı ilə bağlı deyil; böhran mikromaliyyələşdirmə sektoruna toxunmayıb, - Hacıyeva bildirib. - Bu sektor özəl sərmayədarlar üçün daha cəlbedicidir; pulların hara daxil olduğunu və hansı maraqlara xidmət etdiyini açıq şəkildə nümayiş etdirir. Mikromaliyyələşdirmə sektorunda iki növ sərmayədar var - sosial və kommersiya".
Kommersiya sərmayədarlarının şərtləri daha sərtdir. Uzunmüddətli dövr üçün kreditlər verməsələr də, sosial sərmayədarların başlıca üstünlüyü təkrar maliyyələşdirmədir. Bu, kiçik mikromaliyyələşdirmə təşkilatları və yeni işə başlayan kommersiya banklarına portfellərini inkişaf etdirməyə imkan verir.
Sentyabrın 17 - nə olan cari mübadilə məzənnəsi -- 0,814 AZN/USD.
Müəlliflə əlaqə saxlamaq üçün elektron ünvan: cap