Azərbaycan, Bakı, 03 oktyabr/ Trend , müxbir N.İsmayılova/ Azərbaycanın Vergilər Nazirliyinin həyata keçirdiyi operativ nəzarət tədbirlərinin yekunlarına əsasən, 1717 vergi ödəyicisi tərəfindən vergi qanunvericiliyinin pozulması faktları aşkar edilib. Tədbirlər avqustun 18-dən 21-dək keçirilib. İyulun 14 - dən avqustun 17- dək keçirilən tədbirlər nəticəsində 1940 pozucu aşkar edilib.
Nəzərdən keçirilən dövr ərzində 880 vergi ödəyicisi nəqd hesablamaların aparılması qaydalarını pozub, 103 - də xarici valyutanın ödəmə vasitəsi kimi qəbul edilməsi faktları aşkarlanıb. Aparılan tədbirlər nəticəsində, vergi orqanlarında uчota düşmədən fəaliyyət göstərən 253 vergi ödəyicisi aşkar edilib, 159 vergi ödəyicisi isə, xüsusi icazə alınmasını tələb edən sahələrdə fəaliyyət göstərib.
Operativ nəzarət tədbirləri zamanı 125 vergi ödəyicisində əmək müqaviləsi bağlanılmadan işə cəlb edilən 134 fiziki şəxs aşkar edilib. 70 vergi ödəyicisi fərqləndirmə nişanları almadan sərnişin daşınmaları həyata keçirib, 97 nəfər ictimai yerlərdə valyuta alqı - satqısı əməliyyatları aparıb.
Aksiz markalarının tətbiqi vəziyyətinə nəzarət məqsədilə keçirilən tədbirlər zamanı isə, 30 vergi ödəyicisində 990.1 manat dəyərində 1109 ədəd aksiz markaları ilə müvafiq qaydada markalanmamış mallar aşkar edilmişdir
Müəlliflə əlaqə saxlamaq üçün elektron ünvan: [email protected]
