Azərbaycan, Bakı, 03 oktyabr/ Trend , müxbir S.Babayeva/ Azərbaycanın їTikintiї (Baku Build-2008) beynəlxalq sərgisi Rusiya, Polşa, Finlandiya, Almaniya, Belçika, Belarus, İtaliya və digər ölkələrdən 250 şirkətin nümayəndəliyini gözləyir. Milli tikinti şirkətləri də onların arasında möhkəm yer tuturlar. İteca Caspian (sərginin təşkilatçısı) şirkətindən cümə günü bildirdiklərinə görə, sərginin açılmasına bir ay qalsa da, ekspozisiya meydançasının 97 faizi artıq tutulub.
їÖlkənin tikinti sektoru hər gün daha geniş vüsət alır. Yalnız paytaxtda deyil, Azərbaycanın regionlarında da fəal templərlə tikinti aparılır. Müasir keyfiyyətli tikinti materialları və texnikasına tələbat hər gün artır. Bazarın bir hissəsini təmin etmək imkanı olan firmaların çoxunun müvafiq istehlakçılara ehtiyacı var. Baku Build məhz bu vəzifələrin həllini qarşıya məqsəd qoyurї, - şirkətdən qeyd edirlər.
Azərbaycanda və ümumilikdə Xəzəryanı regionda ən iri sərgi və texnika, materiallar və tikinti texnologiyaları yeniliklərinin nümayişi üçün böyük meydança olan Baku Build bu il Heydər Əliyev adına İdman - Sərgi Kompleksinin üç pavilyonunda yerləşərək və onun bütün kənar meydançasını əhatə edərək, kompleksin bütün ərazisini tutur.
İteca Caspian-dan bildiriblər ki, təşkilatçıların planlaşdırdığı fəal işgüzar proqram ї peşəkar kurslar, seminarlar, mənzillərin, evlərin və ofislərin yenidən qurulması üzrə memar və dizaynerlərin pulsuz məsləhətləri bu ilin fərqli cəhəti olacaq.
Baku Build sərgisi ilə birgə III Xəzər Beynəlxalq Daşınmaz Əmlak Sərgisi їKaspianRealtiї və VI Xəzər Beynəlxalq Mebel, İnteryer və Dizayn Sərgisi їKaspian MebelEkspoї keçiriləcək.
Sərgilər oktyabrın 22 ї 25 - də keçiriləcək və 15 mindən çox ziyarətçisinin olacağını gözlənilir.
Müəlliflə əlaqə saxlamaq üçün elektron ünvan: [email protected]