Azərbaycan, Bakı, 13 oktyabr/ Trend , müxbir N.İsmayılova/ Azərbaycan Beynəlxalq Bankı artıq Mastercard-dan Security Code və Visa International-dan 3D Secure sistemləri üzrə sertifikatlaşdırmadan keçib və hazırda mal və xidmətlərin İnternet-mağazalar vasitəsilə ödənilməsi layihəsini işə salmağa tam hazırdır, - Azericard Prosessinq Mərkəzindən bazar ertəsi bildiriblər.
E-commerce sistemi sınaq layihəsinin realizəsinin başlanğıc mərhələsindədir və bunun üçün bu sistemə qoşulacaq və onun funksional olmasını təcrübədə göstərəcək ticarət müəssisəsini müəyyən etmək lazımdır, - Mərkəzdən bildiriblər.
Bu sistemə Azericard-ın xidmət göstərdiyi digər banklar da qoşula bilər. Bu gün belə bankların sayı 30 - dur. Digər bankların müştəriləri bu yeniliyə rəğbərlə yanaşırlar və istisna deyil ki, onlar, böyük tələbatla əlaqədar sınaq layihədən sonra elektron kommersiya sisteminə qoşulacaqlar, - Azericard-da qeyd ediblər.
Azərbaycanın daha bir bankı e-commerce sisteminə qoşulmağa hazırlaşır. Lakin Azericard-da onun adını açıqlamayıblar.
Müəlliflə əlaqə saxlamaq üçün elektron ünvan: [email protected]
