Özbəkistan, Daşkənd, 16 oktyabr / Trend , müxbir T.Jukov/ Daşkənddə "Metro" Beynəlxalq Assosiasiyasına daxil olan metropoliten rəhbərləri Şurasının iclası baş tutub. Daşkənd metropoliteninin mətbuat xidmətindən Trend -a verilən məlumata görə, iclasda iştirak etmək üçün Rusiya, Ukrayna, Gürcüstan, Azərbaycan, Ermənistan və Belarusun metropoliten nümayəndələri Özbəkistana gəlib.
"İclasın gündəliyinə sərnişi daşımanın təhlükəsizliyi məsələləri, MDB məkanında ən yaxşı metropolitenlərdən biri hesab olunan Daşkənd metropoliteninin nailiyyətləri daxil edilib", - deyə metronun rəsmi məlumatında bildirilir. "Assosiasiyanın əhəmiyyətli işlərindən biri vaqon avadanlığı istehsal edən zavodlar ilə razılaşdırılan etibarsız qovşaqlar, mexanizmlər və dəmir yol nəqliyyat vasitələrinin müasirləşdirilməsi üzrə tədbir və tövsiyələrin hazırlanmasından ibarətdir", - deyə mətbuat xidmətindən bildiriblər.
"Həmkarlar təkcə təcrübə mübadiləsi aparmayıblar, onlar texniki yeniliklər və nailiyyətlərlə yerindəcə tanış olublar. Daşkənd metropoliteninin Moskva və Peterburqda tətbiq edilən sərnişinlərin metroda gediş haqqına görə smart-kartlardan istifadə etdikləri mütərəqqi ödəmə sistemində maraqlı olması bu cür əməkdaşlığa misal ola bilər", - deyə Daşkənd Metropoliteni İdarəsinin baş mühəndisi bildirib.
"Metro" Beynəlxalq Assosiasiyası 1992 -ci ilin fevralında təsis edilib. O, müntəzəm olaraq iclaslar keçirir və burada ümumi strateji fəaliyyət istiqamətləri hazırlanır. Assosiasiya MDB - də fəaliyyət göstərən 15 metropoliteni birləşdirir. Onun tərkibinə vaqon və ona ehtiyat hissələr, texnoloji avadanlıqlar, eskalatorlar və suçəkən qurğular istehsal edən dörd zavod da daxildir.
Məqalə müəllifi ilə əlaqə ünvanı - [email protected]
