...

Azərbaycanın əmək və əhalinin sosial müdafiəsi nazirliyi sosial müavinətlərin avtomatlaşdrılmış təyinat sisteminə keçməyə hazırlaşır – nazir müavini

Biznes və iqtisadiyyat xəbərləri Materials 31 Oktyabr 2008 17:23 (UTC +04:00)

Azərbaycan, Bakı, 31 oktyabr/ Trend , müxbir Ü.İsmayılova/ "Ayrılan dövlət müavinətlərinə dair mərkəziləşdirilmiş elektron məlumat bazası ünvanlı sosial yardımın təyin edilmə mexanizmində şəffaflığı təmin edəcək", - deyə cümə günü Azərbaycanın əmək və əhalinin sosial müdafiəsi nazirinin müavini İlqar Rəhimov bildirib.

"Təyinat və sosial müavinətlərin verilməsi sisteminin avtomatlaşdırılması əhalinin inspektorla bilavəsitə əlaqəsini və problem yaradan kağız süründürməçiliyini azaldacaq", - deyə Rəhimov bildirib.

Nazir müavininin sözlərinə görə, belə bir sistemin tətbiqi idarəyə, təyin edilən hər bir sosial müavinət barədə məlumat almasınına və onları asan idarə etməsinə, əhalinin isə, müavinətləri qısa müddət ərzində almasına imkan yaradacaq.

Azərbaycan 2006 - cı ildən ünvanlı sosial yardım siseminə keçib. Ünvanlı sosial yardımın həcmi 55 manat təşkil edən yoxsulluq dərəcəsi və ailədə adam başına düşən gəlirin həcmi arasındakı fərq ilə müəyyən edilir.

Azərbaycanda 80 mindən çox ailə plastik kart ilə ünvanlı sosial yardım alır.

Məqalə müəllifi ilə əlaqə ünvanı - [email protected]

Xəbər lenti

Xəbər lenti