Azərbaycan, Bakı, 24 noyabr/ Trend , müxbir Ü.İsmayılova/ Azərbaycanın Auditorlar Palatası Beynəlxalq Mühasiblər Federasiyasının (IFAC) tamhüquqlu üzvü olub. Bu barədə bazar ertəsi Palatadan bildiriblər.
Azərbaycan 2003 - cü ildən IFAC - ın assosiativ üzvü statusuna malikdir. Azərbaycanın tam- hüquqlu üzvlər sırasına qəbul edilməsi maliyyə hesabatı üzrə beynəlxalq standartların tətbiqi, maliyyə şəffaflığının təmin edilməsi üçün əlverişli şərait yaradacaq, korrupsiya ilə mübarizədə mühüm rol oynayacaq.
İdarə heyətinin iclasında Azərbaycanın Auditorlar Palatasının rəhbəri Vahid Novruzov IFAC üzvləri ilə bir sıra görüşlər keçirib və ölkədə aparılan iqtisadi islahatlar barədə məlumat verib.
Novruzov Rumıniyanın Auditorlar Palatasının nümayəndələri ilə niyyət protokolunun imzalanması barədə razılıq əldə edib.
Azərbaycan Auditorlar Palatası 1995-ci ilin sentyabrında təsis edilib və 1996 - cı ilin aprelində fəal fəaliyyətə başlayıb.
Məqalə müəllifi ilə əlaqə ünvanı - [email protected]
