Azərbaycan, Bakı, 28 noyabr/ Trend , müxbir Ü.İsmayılova/ Azərbaycan hökuməti mənzil fondunun yenilənməsi üzrə dövlət proqramı hazırlamağa başlayıb. Azərbaycanın Daşınmaz Əmlakın Dövlət Reyestr Xidmənin rəhbəri Arif Qaraşov bildirib ki, proqram çərçivəsində Bakıda fransız layihəsi üzrə tikilən "xruşov" tipli evlərin sökülməsi nəzərdə tutulur.
"Bu dərhal deyil, bir neçə il ərzində həyata keçiriləcək. Bunun üçün əhəmiyyətli həcmdə sərmayə tələb olunur", - deyə Qaraşov Xidmətin cümə günü keçirilən kollegiya iclasında bildirib.
Fransız layihəsi üzrə tikilən "xruşov" tipli evlərin böyük hissəsi Bakının 1,2,3,4 və 5-ci mikrorayonlarında yerləşir.
Qaraşov əvvəllər bildirib ki, bu evlərin sakinlərinə kompensasiyanın verilməsi məsələsi üzrə qərar qəbul olunacaq.
Məqalə müəllifi ilə əlaqə ünvanı: [email protected]