Azərbaycan, Bakı, 29 noyabr / Trend , müxbir Ü.İsmayılova/ "Azərbaycanın Arxitektura və Şəhərsalma Komitəsi Bakının regional inkişaf proqramını hazırlayır", - şənbə günü komitənin beynəlxalq əlaqələr üzrə şöbəsinin rəhbəri Cahangir Qocayev deyib.
"Hazırda komitədə tədbirlər planının hazırlanması üzrə komissiya artıq yaradılıb", - Qocayev bildirib.
Onun sözlərinə görə, proqramın əsas məqsədi - Bakının Azərbaycanın paytaxtı kimi deyil, dünya iqtisadiyyatına inteqrasiya edən mərkəz kimi inkişafıdır.
"Bakı şəhərində iki hissə - qədim-tarixi və yeni-müasir hissə mövcuddur. Bu səbəbdən meqapolisin hər iki hissəsinin inkişafına mane olmayan proqram yaratmaq lazımdır. Bu isə mürəkkəb prosesdir və xeyli vaxt aparacaq", - Qocayev söyləyib.
Müəlliflə əlaqə ünvanı: [email protected]
