Azərbaycan, Bakı, 05 dekabr/ Trend , Ü.İsmayılova/ Azərbaycan Milli Depozit Mərkəzi (MDM) noyabrda qiymətli kağızların mühafizəsi və səhmdar cəmiyyətlərin səhmdarlarının qeydiyyatının aparılması üçün altı müqavilə bağlayıb. Bu barədə mərkəzin cümə günü yayılan məlumatında bildirilir.
Bu dövr ərzində nominal dəyəri 17,8 mln. manat olan 64,4 mln. səhm üzrə 325 alqı-satqı müqaviləsi qeydiyyata alınıb, həmçinin nominal dəyəri 140 min manat olan 104-dən çox istiqraz üzrə dörd alqı-satqı müqaviləsi qeydə alınıb.
MDM bilavəsitə depozitar fəaliyyət ilə məşğul olan və depozitar sistemə daxil olan depozitorların qeydiyyatını aparan və onların fəaliyyəti üzərində nəzarəti həyata keçirən dövlət təşkilatıdır.
Məqalə müəllifi ilə əlaqə ünvanı: [email protected]
