Azərbaycan, Bakı, 05 dekabr/ Trend , müxbir İ.Xəlilova/ Azərbaycanın Azerdemiryolbank bankının bir qrup müştərisi banka kredit borclarının ödənilməsi üzrə problemlərlə bağlı narahatlığını bildirib.
Bu gün keçirilən mətbuat konfransıdna şikayətçilərin adından çıxış edən vəkil Sima Yaqubova, bankın müştərilərin ödəmə qabiliyyəti haqqında müvafiq təminat və məlumat olmadan onlara kreditlər ayıran Sabunçu filialının əməkdaşlarını ittiham edib. 26 şikayətçi müştərinin cəlb etdiyi kredit ehtiyatlarının ümumi məbləği 200 min manat təşkil edir.
"Bu vəsaitlər müxtəlif müddətdə alınsa da, onlar vəsaitlərin qaytarılmaması problemi ilə pulları verdikləri sahibkar Rəhilə Həsənzadənin ölkəni sentyabrda qeyri - müəyyən istiqamətdə tərk etdiyini aydınlaşdırarkən qarşılaşıblar", - vəkil bildirib.
Bank, kreditlərin ödənilməsi vaxtının çatması ilə əlaqədar, müştərilərə xəbərdarlıq göndərib. Ümumilikdə, Həsənzadəyə vermək üçün bankdan borc götürən müştərilərin ümumi sayı 60 - a yaxındır və bu gün onlardan yalnız 26 nəfəri hüquqşünasın köməyi ilə hüquq - mühafizə orqanlarına müraciət edib.
"Biz prokorurluq orqanlarına müraciət etsək də, Həsənzadəyə qarşı cinayət işi qaldırılmayıb və bu, insan hüquqlarının pozulması hesab edilib", - vəkil bildirib.
Azerdemiryolbank-ın İdarə Heyəti sədrinin birinci müavini Mərdan Şıxəliyev müştərilərin bankın ünvanına ittihamlarını əsassız hesab edir; bank, prosessual məcəllənin "vəsaitlərin məqsədyönlü istifadə edilməməsi görə" tələbinin pozulması ilə əlaqədar özü tədbirlər görmək niyyətindədir.
"Kreditlər müəyyən edilmiş qrafikdə qaytarılmazsa, biz məhkəmə orqanlarına müraciət edəcəyik, - Şıxəliyev bildirib. Bank ay yarımdır ki, müştərilərin vəsaitlərin vaxtlı-vaxtında ödənilməsi çətinlikləri ilə bağlı müraciətlərinin əsasında ödənilməmiş kreditlərə dair araşdırma aparır".
Onun sözlərinə görə, bəzi müştərilərin razılığına əsasən, kreditlərin ödənilməsi müddətləri daha yarım il uzadılıb.
O, müştərilərin problemlərində bankın Sabunçu filialının əməkdaşlarını günahlandırmağı vacib hesab etmir. Bu gün filialın ümumi kredit portfeli 8 mln. manat təşkil edir. Filial bankın 18 digər filialı ilə birlikdə Almaniya - Azərbaycan Fondunun xətti üzrə kiçik kreditlərin verilməsinə cəlb edilib. Alman İnkişaf Bankı KfW - in və Avropa Yenidənqurma və İnkişaf Bankının kredit xətləri bu Fond vasitəsilə yerləşdirilir. Müvafiq olaraq, bankın hər bir filialının kredit komitəsində Fondun nümayəndəsi iştirak edir. Bankın cəmi 30 filialı var.
Bankın İdarə Heyəti sədrinin müavini kreditlərin təmin edilməməsinin ünvanına səsləndirilən ittihamlarla da razı deyil. Belə ki, kiçik kreditlər kiçik biznesin inkişafının dəstəklənməsi üçün nəzərdə tutulub və girov təminatı olmadan verilir. Onların alınması üçün hətta kredit alıcısının qiymətli daş-qaş və ya digər əmlakı qismində 20 -30 faizlik təminatı da kifayət edir.
Bu gün Almaniya - Azərbaycan Fondu vasitəsilə Azerdemiryolbank- da 25 mln. vəsait yerləşdirilib.
2008 - ci il iyulun 1 -nə olan vəziyyətə görə, Azerdemiryolbank aktivlərinin həcminə görə Azərbaycanda səkkizinci yeri tutub və ölkənin bank sisteminin bütün aktivlərinin təxminən 2,3 faizinə, fiziki şəxslərin depozitlərinin 2,9 faizinə malik olub. Bank 1989 - cu ildə Azərbaycan Dövlət Dəmir Yolu tərəfindən təsis edilib. 1995 -ci ildən bankın əsas səhmdarı Hacıyevlər ailəsidir (hazırda səhmlərin təxminən 46 faizi ona məxsusdur). Bankın səhmlərinin 35 faizi AYİB və Netherlands Development Finance Company-yə məxsusdur. 2005 - ci ilin dekabrından AYİB bankın səhmlərinin 25 plyus bir fazini alıb. Azerdemiryolbank ölkənin özəl bankları arasında ilk dəfə 2004 - cü ildən beynəlxalq reytinq qiymətləndirmələri almağa başlayıb.
Dekabrın 5 - nə olan cari mübadilə məzənnəsi -- 0,809 AZN/USD
Müəlliflə əlaqə saxlamaq üçün elektron ünvan: [email protected]