Azərbaycan, Bakı, 05 fevral / Trend , müxbir S.Babayeva/ "Naxçıvan Muxtar Respublikasına (NMR) 2008-ci ildə yönəldilən sərmayələr 2007-ci illə müqayisədə 38,9 faiz artaraq 310 milyon manat təşkil edib", - NMR-in Bakıdakı daimi nümayəndəliyindən məlumat verilib.
İl ərzində NMR-də tikinti şirkətləri tərəfindən 251,3 milyon manatlıq iş görülüb. Bu 2007-ci ilin göstəricilərindən 62,5 faiz artıqdır. Tikinti sektoruna yönəldilən sərmayələr NMR-ə yönəldilən bütün sərmayələrin 90,7 faizini təşkil edir.
Sərmayələrin 187 milyon manatı yeni tikililərdə işlərin aparılması, 45 milyon manatı əsaslı təmirə, 12 milyon manatı cari təmirə, 9,1 milyon manatı digər tikinti işlərinə yönəldilib.
Məqalə müəllifi ilə əlaqə ünvanı: [email protected]