...

Dünya iqtisadi böhranı daha iki il davam edəcək – DKİB direktorlar şurasının üzvü

Biznes və iqtisadiyyat xəbərləri Materials 21 Fevral 2009 22:32

Trend-i buradan izləyin

Qırğızıstan, Bişkek, 21 fevral / Trend müxbir R.Мəşədihəsənli/ Dünya iqtisadi böhranı daha iki il davam edəcək. Bu fikirləri şənbə günü Trend müxbirinə Demir Qırğız İnterneşnl Bankın  (DKİB) direktorlar şurasının üzvü Ahmet Kamil Parmaksız söyləyib.
Onun sözlərinə görə, dünyanı iqtisadi böhranın baş alıb getdiyi zaman Qırğızıstan çox şanslıdır. "Ona görə ki, əcnəbi bankların borclarını ödəyə bilmirdi. Bunun üçün möhlət müddəti gərək idi. İqtisadi böhran avtomatik olaraq bu möhləti yaratdı", - deyə Parmaksız bildirib.
Demir Qırğız İnterneşnl Bankın  (DKİB) direktorlar şurasının üzvü Qırğızıstandakı bank sistemində yaranan böhranla bağlı suala cavab olaraq deyib ki, Qırğızıstandakı banklar böyük nizamnamə fondları olmadığı üçün bu amil ölkəyə güclü təsir göstərməyib.
Təmsil etdiyi banka gəldikdə isə Parmaksız qeyd edib ki, DKİB Qırğızıstanda digər banklara nisbətən daha yüksək pillədə durur. "Ona görə də dünyanı bürüyən qlobal maliyyə böhranı müddətində əhalinin, xalqın, sərmayəçilərin güclü etibarını qazanmaq və onların pullarının təhlükəsizliyinə zəmanət vermək bizim əsas vəzifəmizdir", - deyə o vurğulayıb.

Xəbər lenti

Xəbər lenti