Azərbaycan, Bakı, 02 mart / Trend , müxbir N.İsmayılova / Azərbaycan Banklar Assosasiyası (АBА) və Azərbaycan Milli Bankı (AMB) maliyyə böhranı şəraitində ölkənin ipoteka bazarının inkişafı proqramına dəyişikliklər üzərində birgə işləyir", - ABA prezidenti Eldar İsmayılov deyib.
"İpoteka proqramı prezident tərəfindən maliyyə böhranından əvvəl təsdiq olunub. Bu səbəbdən ona yenidən baxılmalıdır", - İsmayılov deyib.
Onun sözlərinə görə, bu proqram böhrandan əvvəl təklif olunan proqramdan xeyli fərqlənəcək.
"Fevralın sonunda prezidiumun iclası keçirilib. Onun gedişində AMB və ABA bu proqramın uyğunlaşma məsələsini nəzərdən keçirib və assosiasiya proqramın gücləndirilməsi üzrə ideyalarını bildirib", - İsmayılov deyib.
Bundan sonra ABA AMB ilə birlikdə proqrama ediləcək dəyişiklikləri Azərbaycan parlamentinə təqdim edəcək.
İsmayılovun sözlərinə görə, hazırda ən çox maraq doğuran məsələ sosial ipotekadır.
"İki il ərzində bu istiqamətdə fəal inkişaf müşahidə olunur. Birincisi, banklar yeni məhfum olan ipotekanın nə demək olduğunu anlayıb, ikincisi, bu əhali üçün də aydın olub", - İsmayılov qeyd edib.
"İpotekanın əsas mexanizmi Azərbaycan İpoteka Fondu (AİF) tərəfindən qiymətli kağızların buraxılışıdır ki, buna da qanunvericiliklə icazə verilib. Milli Bank da öz növbəsində ipoteka kağızlarına təminat verməyə hazırdır", - ötən həftə AMB idarə heyətinin sədri Elman Rüstəmov deyib.
"Onlar təminatlı qiymətli kağızlar səviyyəsinə qədər qaldırılacaq ki, bu da onların bazardakı likvidliyinin artırılması və bununla da ipoteka bazarının fəallaşmasına gətirib çıxaracaq", - Rüstəmov bildirib.
Bu gün üçün AİF təxminən 65 milyon manat yerləşdirib və bu məbləğdə qiymətli kağızlar buraxıla bilər ki, bu da ölkənin fond bazarını canlandıra bilər.
Rüstəmovun sözlərinə görə, ipoteka kreditləri üzrə faiz dərəcələrinin dəyişdirilməsi planlaşdırılmır. Çünki dünyadakı proseslər kontekstində ipoteka kreditlərinin alıcıları üçün şərtləri sadələşdirmək lazımdır.
Azərbaycanda AİF xətti üzrə ipoteka kreditlərinin dərəcələri 4-8 faiz təşkil edir. Onlar 0-15 faiz ilkin ödəmə şərtilə üç ildən 30 ilə qədər müddətə verilir.
Azərbaycanın ipoteka bazarı bu gün üçün səlahiyyətli banklar tərəfindən verilmiş ipoteka kreditlərini 63,3 milyon manat həcmində yenidən maliyyələşdirib ki, bu da ümumi ipoteka portfelinin 93 faizidir. 2006-cı ilin martında 2007-ci ilin iyununa qədər - AİF-in mənzil alınmasının maliyyələşdirilməsi üzrə fəal əməliyyatlar apardığı zaman - banklar tərəfindən 67,9 milyon manat ipoteka krediti verilib.
Azərbaycanın 2005-2008-ci illər dövlət büdcəsində ipotekanın AİF vasitəsilə maliyyələşdirilməsi üçün 80 milyon manat nəzərdə tutulub. Artıq 68 milyon manat ayrılıb.
2009-cu ildə sosial ipotekanın maliyyələşdirilməsi üçün dövlət büdcəsində 14,5 milyon manat nəzərdə tutulub.
Martın 2-nə olan rəsmi məzənnə 0,8054 AZN/USD təşkil edir.
Məqalə müəllifi ilə əlaqə ünvanı: [email protected]