Azərbaycan, Bakı, 11 mart / Trend , müxbir N.İsmayılova /
Beynəlxalq Maliyyə Korporasiyası (BMK) Azərbaycanda korporativ idarəetmə layihəsi çərçivəsində bir sıra görüşlər təşkil edir. Bu barədə BMK-nın Azərbaycanda korporativ idarəetmə layihəsinin rəhbəri Karolina Brayt bildirib.
"Biz hazırda şirkət rəhbərlərinin idarəetmə riskləri üzrə yayda keçiriləcək seminarlarını təşkil edirik", - deyə Brayt bildirib.
Onun sözlərinə əsasən, BMK hüquqşünaslar üçün qlobal maliyyə böhranı şəraitində korporativ idarəetmənin rolunun müzakirə ediləcəyi bir sıra"dairəvi masalar"ın keçirilməsini planlaşdırır. Yayda Azərbaycanın ali məktəblərinin müəllimləri üçün də korporativ idarəetmə və riskləri idarəetmə auditləri məsələrinə baxılacaq "dairəvi masa" keçirilməsi planlaşdırılır.
"Biz də sərmayəçilərlə çalışırıq və biz istəyirik ki, onlar təkcə maliyyə hesablarına deyil, onlar müştərilərə kreditlərin ayrılması üzrə qərar verərkən korporativ idarəetmənin səviyyəsinə diqqət yetirsinlər", - deyə Brayt bildirib.
"Qabaqcıl korporativ idarəetmə şirkəti sərmayəçilər üçün daha cəlbedici edir. Azərbaycanda da BMK-nın layihəsi çərçivəsində korporativ idarəetməni tətbiq edən şirkətlərin sərmayə qoyuluşlarının həcminin artmasının şahidi olmuşuq", - Brayt bildirib.
BMK martın11-12-də Azərbaycanda mikromaliyyə təşkilatları və banklar üçün korporativ idarəetmə seminarları keçirir.
Məqalə müəllifi ilə əlaqə ünvanı: [email protected]
