Azərbaycan, Bakı, 04 may / Trend /
Mayın 5-7-də İran beynəlxalq dəniz ticarət limanında Xəzəryanı dövlətlərin liman rəhbərlərinin ilk müşavirəsi keçiriləcək. Bu barədə Azərbaycan Dövlət Dəniz Administrasiyasının bazar ertəsi yayılan məlumatında bildirilir.
Müşavirədə dəniz nəqliyyatı və onun istiqamətləri sahəsində Xəzəryanı dövlətlərin əməkdaşlığının inkişaf perspektivləri müzakirə olunacaq.
Müşavirədə Azərbaycan tərəfindən ölkənin Dövlət Dəniz Administrasiyası, Xəzər Dəniz Gəmiçiliyi və Bakı Beynəlxalq Dəniz Ticarət Limanının nümayəndələri iştirak edəcəklər.
