Azərbaycan, Bakı, 26 may / Trend , müxbir Ü.İsmayılova /
Apreldə Bakının torpaq bazarında qiymətlər mart ayına nisbətdə 3,2 faiz düşərək bir sot üçün 20,73 min dollara çatıb. Bu bardə çərşənbə axşamı "Əmlak bazarı iştirakçıları" İctimai Birliyindən məlumt verilib.
Apreldə bazara 810,7 hektar torpaq təklif olunub, onun 76,9 faizini boş sahələr, qalan hissəsini isə qeyri-yaşayış və köhnə yaşayış məntəqələri təşkil edib.
Qiymətlərin müqayisə olunacaq dərəcədə düşməsi şəhərin üçüncü və dördüncü zonalarında müşahidə olunub. Şəhərin birinci və ikinci zonalarında qiymətlərin olduqca yüksək olması səbəbindən tələbat azalıb, üçüncü və dördüncü zonalarda təkliflərin artması və aşağı templi tikinti işləri tələbatın əhəmiyyətli dərəcədə azalmasına gtirib çıxarıb.
Olduqca qeyri-real qiymətlərin torpaq bazarının gəlirliliyinə hələ ki, təsir etməməsinə baxmayaraq, təsir ekspozisiya müddəti və bazarın likvidliyində müşahidə olunur. Bazarda vəziyyət bu seqment üzrə risklərin də artmasına gətirib çıxarıb.
Ay ərzində əhəmiyyətli dərəcədə qiymət düşməsi Bakının Səbail rayonunda müşahidə olunub - 5,4 faiz. Son dörd ayda ilk dəfə olaraq Bakının Qaradağ rayonunda 0,7-faizlik qiymət artımı baş verib. Buna baxmayaraq, ayın yekunu üzrə Bakının torpaq bazarında ən fəal rayonlar Suraxanı və Nərimanov, ən passiv rayon isə Nəsimi rayonu olub.
Apreldə ən bahalı torpaq sahəsi bir sotu 330 min dollar qiymətinə Bakının Nərimanov rayonu bazarında, ən ucuz torpaq sahəsi isə sotu 350 dollara Sabunçu rayonu bzarında təklif olunub.
Məqalə müəllifi ilə əlaqə ünvanı: [email protected]