Azərbaycan, Bakı, 09 iyun / Trend , müxbir N.İsmayılova /
"Bank Standart ödəniş planına uyğun olaraq xarici borcların qaytarılmasını həyata keçirir", - çərşənbə axşamı bankın idarə heyətinin sədr müavini Cavid Quliyev bildirib.
"İlin əvvəlindən planlı surətdə xarici kreditlər üzrə ödənişlər edilir, - Quliyev bildirib. - İyun-iyul aylarında növbəti ödənişlərin edilməsi planlaşdırılır, belə ki, bu ödənişlərdən sonra cəlb edilmiş vəsaitlərdə bankın xarici borcları 2008-ci ilə nisbətdə kəskin surətdə azalacaq".
"Ümumi borcların və ödənişlərin həcminin ödənilməsi bu yaya planlaşdırılıb", - Quliyev ümumi məbləği deməkdən imtina edib.
Azərbaycan Mərkəzi Bankının hesablamalarına görə, 4 ayda banklar xarici borclardan 400 milyon dollar ödəyiblər. Ötən il bank sektorunun xarici borcu 2,5-2,6 milyard dollar təşkil edib. Ümumilikdə, bu il 1 milyard dollar ödəniş etmək gözlənilir, ödənişlərin maksimum səviyyəsi ikinci və dördüncü rübün sonlarında gözlənilir.
Məqalə müəllifi ilə əlaqə ünvanı: [email protected]