Azərbaycan, Bakı, 11 avqust / Trend , müxbir İ.Xəlilova /
Azərbaycanda nəqliyyat və ticarət prosedurunu tənzimləyəcək xüsusi dövlət orqanının yaradılması vəziyyətini aydınlaşdırmaq üçün CARES (Mərkəzi Asiya Regional İqtisadi Əməkdaşlığı) proqramı konsultant göndərib. Bu barədə çərşənbə axşamı Asiya İnkişaf Bankının Bakı nümayəndəliyindən deyilib.
"Üç gün ərzində konsultant Nəqliyyat və İqtisadi İnkişaf nazirliklərində, Dövlət Gömrük Komitəsində belə strukturun yaradılması imkanları və onun statusunu müəyyənləşdirmək məqsədi ilə müzakirələr keçirtmək niyyətindədir", - nümayəndəlikdən deyilib.
Bu orqanın yaradılması CARES proqramında nəqliyyat və ticarət prosedurunu sadələşdirmək məqsədi ilə nəzərdə tutulub. CARES artıq bir neçə ölkədə bu cür təsisat yaradıb.
"Hər ölkədə nəqliyyat və ticarət məsələlərini tənzimləyən daxili struktur var. Buna görə də bu sahələrlə bağlı bütün prosedurların, o cümlədən də gömrük və digər yardımçı prosedurların bir orqanda birləşməsi çətindir", - nümayəndəlikdən deyilib.
Bu, məsləhətçinin Bakıya ikinci səfəridir. Sözügedən məsələ üzrə ilk müzakirələr apreldə aparılıb. Məsləhətçinin budəfəki səfəri avqustun 14-də başa çatır.
Keçən il Azərbaycan CARES-ə sədrlik edib. Bakıdakı görüşlərdə Azərbaycan paytaxtının ikinci nəqliyyat dəhlizində (Çin-Mərkəzi Asiya-Avropanı əhatə edən) yenidən yükləmə mərkəzi kimi qəbul edilməsi təklif olunub. Bunun inşası CARES-in iştirakçı ölkələri tərəfindən regionda 2007-ci ilin sonunda təsdiq olunmuş ticarət və nəqliyyatın inkişafına kömək proqramında təklif olunub. Bu, Bakıda böyük logistik mərkəzin yaradılmasına imkan verib. Bu da o deməkdir ki, Çindən bütün yüklər Azərbaycan sərhədindən keçəcək, emal ediləcək və milli avtodaşıyıcılarla daşınacaq.
Bu proqrama CARES-in səkkiz iştirakçı ölkələrindən keçən, ümumi dəyəri 18 milyard dollar olan altı transport dəhlizinin yaradılması daxildir. Bu dəhlizlərdən ikisi Azərbaycanı Qazaxıstanla və Türkmənistanla birləşdirəcək və avtomobil, hava və dəmiryol əlaqəsinin inkişafını nəzərdə tutur.
2007-ci ildə AİB-in CARES-in iştirakçısı olan digər beynəlxalq maliyyə institutları ilə birgə bəyəndiyi nəqliyyat dəhlizlərinin inkişafına maliyyələşmənin ümumi həcmi 1,2 milyard dollardır. Bundan 680 milyon dollarını AİB ayırıb.
AİB tərəfindən Azərbaycan üçün bəyənilmiş nəqliyyat layihələrinin realizəsinə 500 milyon dollar ayrılmasını nəzərdə tutan multitranş maliyyə mexanizmi nəqliyyat dəhlizinin inkişafına atılan addımlardan biridir.
CARES altı iştirakçı ölkənin (Əfqanıstan, Azərbaycan, Çin, Qazaxıstan, Qırğızıstan, Monqolustan, Tacikistan və Özbəkistan) və altı beynəlxalq təşkilatın (AİB, AYİB, BVF, İİB, BMT İnkişaf Proqramı və Dünya Bankı) əməkdaşlığıdır.
Məqalə müəllifi ilə əlaqə ünvanı: [email protected]
