Azərbaycan, Bakı, 14 avqust / Trend , müxbir N. İsmayılova /
Azərnəqliyyat Bank 2010-cu ilin əvvəlinə kimi cari tarif siyasətini dəyişməyəcək. Bunu bankın İdarə Heyətinin sədri Emin Məmmədov deyib.
"Bankın tarif siyasəti Azərbaycanda bazarın vəziyyəti nəzərə alınaraq bir müddət əvvəl qəbul olunub. Buna görə də, cari ilin sonuna qədər onu yenidən nəzərdən keçirməyi planlaşdırmırıq", - Məmmədov deyib.
Kredit üzrə bankın orta faiz dərəcəsi bu gün 22,59, depozitlər üzrə isə 8-10 faizdir. Kreditlərin verilməsinin və depozitlərin cəlb edilməsinin maksimal müddəti 2 ildir.
2008-ci ilin oktyabrında Azərnəqliyyat Bankda müəyyən dəyişikliklər baş verib. Bankın mojaritar səhm paketini yeni təsisçilər yenidən alıblar. Bunun nəticəsində təşkilatın bütün rəhbər heyəti paraktiki olaraq dəyişib.
Azərnəqliyyat Bank 1989-cu ildə ticarət bank kimi təsis edilib. 2005-ci ildə bankın statusu açıq səhmdar cəmiyyətə dəyişdirilib. Hazırda bankın Bakıda və ölkə regionlarında səkkiz filialı fəlaiyyət göstərir. Azərnəqliyyat Bank-ın aktivləri iyulun 1-də 69,72 milyon manat təşkil edib. Müştərəfk kapitalı 12,72 milyon manat, nizamnamə kapitalı isə 10,78 milyon manatdır. Bankın xalis gəliri iyulun 1-nə 1,07 milyon manat təşkil edib.
Avqustun 14-nə olan cari məzənnə 0,804 AZN/USD təşkil edir.
