Azərbaycan, Bakı, 16 oktyabr / Trend , müxbir Ü.İsmayılova/
Azərbaycanın Hesablama Palatası 2009-cu ildə Azəriqaz QSC-da, Turizm və Səhiyyə nazirliklərində dövlət proqramının icra edilməsinə dair yoxlamalar aparıb, Palatanın sədri Heydər Əsədov cümə günü deyib.
"Yoxlamalar zamanı bir sıra nöqsanlar, əsasən də dövlət proqramının həyata keçirilməsi ilə bağlı nöqsanlar aşkar edilib", - Əsədov deyib.
Onun sözlərinə görə, Azərigaz-da yoxlamalar başa çatıb.
"Azərigaz-ın likvidləşdirilərək ARDNŞ-in balansına verilməsinə baxmayaraq, yoxlamalar davam edib və uçotun təşkilində, hesabatlarda, əsasən də fiziki və hüquqi şəxslər arasında qazın paylanmasına dair hesabatalrda bir sıra pozulmalar aşkar edilib", - Əsədov deyib.
Onun sözlərinə görə, hazırda bu pozulma hallarının həlli üçün müəyyən tədbirlər görülür.
"Aparılan yoxlamalar zamanı Səhiyyə, Gənclər və İdman nazirliklərində də pozuntular aşkar edilib. Biz bu nazirlikləri dövlət proqramının yerinə yetirilməsində aşkar edilən pozuntular haqda rəsmi şəkildə məlumatlandırmaq niyyətindəyik. Qanunverici aktlara dəyişikliklər edilməsi zərurəti də var. Ümumikdə bir çox dövlət strukturları bəzən proqram çərçivəsində öz üzərinə çox iş götürür, lakin icra edə bilmirlər", - Əsədov deyib.
Məqalə müəllifi ilə əlaqə ünvanı: [email protected]