Azərbaycan, Bakı, 09 noyabr / Trend , müxbir Ü.İsmayılova/
İqtisadi inkişaf naziri, Azərbaycanda İxracın və İnvestisiyaların Təşviqi Fondunun (AZPROMO) Qəyyumluq Şurasının sədri Şahin Mustafayevin əmri ilə prezident səlahiyyətlərinin icraçısı təyin edilib. Bu barədə bazar ertəsi ölkə hökumətindəki mənbədən deyilib.
"Adil Məmmədov AZPROMO-nun yeni vitse-prezidenti təyin edilib. Eyni zamanda o, fond prezidenti səlahiyyətlərinin icrası üzrə müvəkkildir", - hökumətdən bildirilib.
Əvvəllər Məmmədov Dövlət Neft Fondunda Mədən sənayesində şəffaflıq təşəbbüsləri katibliyinin rəhbəri vəzifəsində çalışıb.
Rahim Hüseynov AZPROMO-nun prezidenti vəzifəsindən getdikdən sonra bu vəzifəyə heç kim təyin edilməyib. Məmmədov əvvəllər İqtisadi İnkişaf Nazirliyində işləyib və nazirliyin antimonopal xidmətinə rəhbərlik edib. Nazirlikdən getdikdən sonra o, öz marketinq fəaliyyətinə davam edib və əvvəlki kimi Azərbaycan Marketinq Cəmiyyətinin İdarə Heyətinin sədri vəzifəsində qalıb.
AZPROMO-nun əvvəlki rəhbəri Emil Məcidov öz arzusu ilə yanvarın 10-da tutduğu vəzifədən istefa verib. Məcidov 2003-2004-cü illərdə AZPROMO-ya rəhbərlik edib. Onun istefasından sonra İnvestisiyaların Təşviqi Departamentinin direktoru Anar Quliyev prezident səlahiyyətlərinin icraçısı vəzifəsinə təyin edilib.
Məqalə müəllifi ilə əlaqə ünvanı: [email protected]