...

Azərbaycanda sığorta investisiyaları inkişaf etməyib - bazar iştirakçısı

Biznes və iqtisadiyyat xəbərləri Materials 3 Mart 2010 11:22 (UTC +04:00)
Bu gün Azərbaycan sığortaçıları üçün ən sərfəli investisiya qoyuluşu bank depozitləridir. Azergarant sığorta şirkətinin İdarə Heyətinin sədri Şükür Hüseyov hesab edir.

Azərbaycan, Bakı, 2 mart / Trend , müxbir Ü.İsmayılova/

Bu gün Azərbaycan sığortaçıları üçün ən sərfəli investisiya qoyuluşu bank depozitləridir. Azergarant sığorta şirkətinin İdarə Heyətinin sədri Şükür Hüseyov hesab edir.

"Banklarda depozit hesabları bizim sığortaçılar üçün ən likvidli sayılır ki, bu da sığortaçılar tərəfindən fəal investisiya qoyuluşuna səbəb olur", -Hüseynov hesab edir.

Onun sözlərinə görə, Azərbaycan sığortaçıları az likvidli və az gəlirli olan dövlət qiymətli kağızlara da investisiya qoyurlar.

2010-cu ildə Maliyyə Nazirliyi tərəfindən buraxılan dövlət qısamüddətli istiqrazların (DQİ) gəlirliyi bir ildən az olmayaraq tədavül müddəti ilə kəsmə qiyməti üzrə 0,68 faiz bəndi artıb: 0,73-dən 1,41 faizədək, həm də orta ölçülmüş qiymət üzrə. 2010-cu ildə hərraclar zamanı kəsmə qiymət üzrə gəlirlilik orta ölçülmüş qiymət üzrə olduğu kimi 0,73 faiz bəndi təşkil edib, 2008-2010-cu illərdə gəlirliliyin azalması hələlik müvafiq olaraq 7,64 bənd və 6,51 bənd təşkil edir.

Bir il tədavül müddətində buraxılış üzrə kəsmə qiymət üzrə gəlirlilik orta ölçülmüş qiymət üzrə olduğu kimi 2,99 faiz səviyyəsində qalıb. 2009-cu ildə hərraclar zamanı belə istiqrazların kəsmə qiymət üzrə gəlirliliyi 3,63 faiz bəndi, orta ölçülmüş qiymət üzrə 3,53 bənd təşkil edib. 2008-2010-cu illərdə müvafiq olaraq 8,43 bənd və 8,71 bənd azalma qeydə alınıb.

Hüseynovun sözlərinə görə, "Sığorta fəaliyyəti haqqında" qanuna əsasən sığortaçılar həmçinin daşınmaz əmlaka, özəl şirkətlərin kapitalına, eləcə də digər sahələrə investisiya qoya bilər, lakin bank depozitlərinə investitiya zamanı əlverişli şəraitlə əlaqədar bunu etmirlər.

2010-cu il fevralın 1-i üçün Azərbaycan banklarında manatla depozitlər üzrə orta dərəcə 11,27 faiz, xarici valyutada depozitlər üzrə 11,02 faiz təşkil edib. Hüquqi şəxslərin manatla depozitləri üzrə orta dərəcə 5,57 faiz, xarici valyutada depozitlər üzrə 5,97 faiz təşkil edib.

"Sığortaçıların investisiyalarının diversifikasiyası üçün həm sığorta şirkətlərinin özlərinin, həm də əlaqədar tərəflərin iştirakı ilə bu məsələnin kompleks həlli lazımdır", - Hüseynov bildirib.

Qanunvericiliyə görə, Azərbaycan sığortaçıları bank depozitlərinə məcmu kapitalın həcmindən 60 faiz çox olmayaraq, həmçinin bir bankda 30 faizdən çox olmayaraq inverstisiya qoya bilər.

Azərbaycanda 28 sığorta və bir təkrar sığorta şirkəti fəaliyyət göstərir. 2009-cu ilin yekunları üzrə şirkətlərin tədiyələrinin ümumi həcmi 163,31 milyon manat, ödənişləri 53,07 milyon manat təşkil edir. İl ərzində tədiyələr 8,7 fazi azalıb, ödənişlər 6,5 faiz artıb.

Martın ikisi üçün rəsmi məzənnə 0,8034 AZN/USD təşkil edib.

Xəbər lenti

Xəbər lenti