...

Azərbaycanın bank sektorunun davamlılığı artıb - AİB

Biznes və iqtisadiyyat xəbərləri Materials 21 Aprel 2010 10:26 (UTC +04:00)
Mərkəzi Bank tərəfindən həyata keçirilən pul-kredit siyasəti və tədbirlər nəticəsində Azərbaycanın bank sektorunun davamlılığı artıb. Bu barədə Asiya İnkişaf Bankının (AİB) "Asian Development Outlook 2010" hesabatında deyilir.

Azərbaycan, Bakı, 20 aprel /Trend, müxbir N.İsmayılova/

Mərkəzi Bank tərəfindən həyata keçirilən pul-kredit siyasəti və tədbirlər nəticəsində Azərbaycanın bank sektorunun davamlılığı artıb. Bu barədə Asiya İnkişaf Bankının (AİB) "Asian Development Outlook 2010" hesabatında deyilir.

"Artımın ləng olmasına baxmayaraq, banklar kredit portfellərinn keyfiyyətini saxlaya biliblər, müddəti bitmiş kreditlərin payı isə ümumi məbləğin 4,5 faizə qədərini təşkil edib, - hesabatda deyilir.

İnflyasiya tempinin azalması Mərkəzi Banka pul-kredit siyasətini mərhələli şəkildə zəiflətməyə, 2009-cu ildə 15 faizdən iki faizə endirilmiş təkrar maliyyələşdirmə dərəcəsini isə kəskin azaltmağa imkan verib.

Bununla yanaşı, Mərkəzi Bank bank sektorunun rezervləşdirilməsi normalarını 12 faizdən 0,5 faizədək kəskin azaldıb. Böyük likvidliklə kommersiya banklarının kreditləşmə qabiliyyəti möhkəmləndirilib və onlar kreditlər üzrə dərəcələri azaldıblar. Həmçinin, Mərkəzi Bank müxtəlif valyutalarda uzunmüddətli kreditlərin, eləcə də subordinasiya olunmuş borcların təminatı üzrə səlahiyyət əldə edib. Bu, banklara və özəl şirkətlərə əlavə maliyyə dəstəyi göstərib.

"Bu tədbirlər, həmçinin, AMB-nin istifadə etdiyi yeni alətlər əlavə likvidliyin yaradılmasına yardım göstərib və bu, valyuta sahəsində mühüm antisikl cavabdır. Beləliklə, sektorun daxili aktivləri 2009-cu ildə, təxminən, 23 faiz artıb", - hesabatda deyilir.

Xəbər lenti

Xəbər lenti