Аzərbaycan, Bakı, 18 may /Trend, müxbir M.Əliyev/
Qazaxıstanın Mangistau vilayətinin qubernatoru Krımbek Kuşerbayevin rəhbərlik etdiyi nümayəndə heyəti Azərbaycana səfər edəcək, - Qazaxıstanın Azərbaycandakı səfiri Serik Primbetov Trend-ə bildirib.
Səfər 19-20 may tarixi üçün nəzərdə tutulub. Nümayəndə heyətinin tərkibi vilayətin rəsmi şəxsləri ilə yanaşı, biznes dairəsi, eləcə də neft sahəsində çalışan nümayəndələrdən ibarət olacaq.
"Səfər çərçivəsində nümayəndə heyəti Azərbaycanın hökumət rəsmiləri ilə görüş keçirəcək", - deyə səfir bildirib.
Xüsusilə də Azərbaycanın energetika, iqtisadi inkişaf, kənd təsərrüfatı nazirlikləri, Bakı Şəhər İcra Hakimiyyəti nümayəndələri ilə görüşlər də nəzərdə tutulub.
