Azərbaycan, Bakı, 25 may /Trend, müxbir N.İsmayılova/
Gəncədə (Azərbaycanın qərbində) Bakı Tədris Biznes Mərkəzinin təşkilatçılığı ilə "Gəncə - Qazax iqtisadi rayonunda kurortların inkişaf etdirilməsi perspektivləri" mövzusunda "dəyirmi masa" keçirilib. Bu haqda İqtisadi İnkişaf Nazirliyinin çərşənbə axşamı yaydığı məlumatda deyilir.
Tədbirdə müxtəlif müəssisə və təşkilatlardan olan 50-yə yaxın nümayəndə iştirak edib."Dəyirmi masa" ölkənin bölgələrindəki kurortların inkişaf etdirilməsi məsələlərinə həsr edilib və Azərbaycanda 2009-2010-cu illərdə kurortların inkişaf etdirilməsi üzrə Dövlət Proqramının həyata keçirilməsi üzrə tədbirlər planının çərçivəsində keçirilib.
Müzakirələrdə İqtisadi İnkişaf Nazirliyi yanında İqtisadi İslahatlar İnstitutu, Azərbaycan Texnoloji Universiteti və Naftalan Şəhər İcra Hakimiyyətinin nümayəndələri iştirak ediblər.