Gürcüstan, Tbilisi, 23 iyul /Trend, müxbir N.Kirsxaliya/
"Eyr Batumi" aviaşirkəti İrana ilk çarter uçuşu həyata keçirib və Tehrandan ilk turist qrupunu Acariya paytaxtına gətirib.
Dünən axşam 30-a yaxın İran vətəndaşı Batumi beynəlxalq aeroportuna gəlib. Dörd gün ərzində onlar Acariyanın görməli yerləri ilə tanış olacaqlar.
Gürcüstana gələn iranlıların hamısı indiyədək bu ölkə haqqında heç nə bilmədiklərini bildiriblər, buraya gəlmək barədə qərarı isə TV-də nümayiş olunan reklam çarxına baxdıqdan sonra qəbul ediblər. Qeyd edək ki, Gürcüstan bütün dünyada nümayiş olunan bir neçə bu cür çarx sifariş edib.
İranlı turistlər Türkiyəyə də səfər edə biləcəklər.
"Eyr Batumi" iyulun 26, 29-da və avqustun 2-də Tehrana daha bir neçə çarter reysi həyata keçirəcək.