...

Azərbaycanın sığorta şirkəti nizamnamə kapitalını daha yarım milyon manat artıracaq

Biznes və iqtisadiyyat xəbərləri Materials 17 Dekabr 2010 19:03 (UTC +04:00)

Azərbaycan, Bakı, 17 dekabr /Trend, müxbir Ü.İsmayılova/

Azərbaycanın sığorta şirkəti "Azərbaycan Sənaye Sığorta" nizamnamə kapitalını daha yarım milyon manat artırmaq niyyətindədir. Bu barədə cümə günü şirkətin idarə heyətinin sədri Rəşad Əhmədov deyib.

"Şirkətin nizamnamə kapitalı 1,5-1,6 milyon manat səviyyəsində proqnozlaşdırılan 2010-cu ilin gəliri sayəsində artırılacaq", - Əhmədov bildirib.

Hazırda şirkətin nizamnamə kapitalı 4 milyon manat təşkil edir.

Azərbaycanın sığorta şirkəti "Azərbaycan Sənaye Sığorta" Azərbaycan Sənaye Bankı tərəfindən 1996-cı ilin dekabrında yaradılıb. 2010-cu ildə bank öz səhmlərinin yarısını Azərbaycanın "Anadolu Investments" şirkətinə satıb.

"Anadolu Investments" konservləşdirilmiş məhsulun istehsalında ixtisaslaşan Türkiyənin "Anadolu Cam Investment" şirkətinin filialıdır. "Azərbaycan Sənaye Bankı" ASC-nin səhmlərinin 97 faizi "Anadolu Investments"ə məxsusdur.

Şirkət sığortanın 27 könüllü və 5 icbari növü üzrə xidmətlər göstərir.

Xəbər lenti

Xəbər lenti